Beeti Raat

Hai raat aaj amavas ki, Par charo ore andhera hai,
Khaat pe ondhe lete hain, Teri yaado ka pehra hai.
Is chanchal, chitchor chitvan me, Tere khwabo ka dera hai,
Jaise tu odhni leke baithi hai, Mere haatho me sehra hai.

Phir karvat li maine, Aur dekha hai sitaro ko,
Laga jaise ghili julfo me, Saja liya tumne sitaro ko.
Gile kesh sukhane ko, Tumne julf jhatkayi ho,
Sab sitare toot gaye, Aur chandni bhi sharmayi ho.

Band kari jo aankhen maine, Tum nazar me aayi ho,
Muskurahat k bal pe tumhari, Ye duniya jagmagai ho.
Dhire-dhire, Haule-haule, Tum cham cham karti aayi ho,
Tadke hi mughe jagane ko, Mere kaano me payal bajai ho.

Cham cham sun me sakpakata,
Jaag utha main kapkapata,
Dekha to tum kahi nhi thi,
Nal se pani tha taptapata.

Let gya phir main sehsa hi,
So gya bapas main vaisa hi,
Pichli raat jaise thehri thi,
Jab aankh khuli tab dophari thi.

Dekha mummy chilla rhi thi,
Naam leke bula rahi thi,
Ab bhi aankho k saamne vahi moorat thi,

KUCH BHI KAHO

Beeti raat badi khoobsurat thi.........